20 fevral 2025-ci il tarixində Sosial Tədqiqatlar Mərkəzi və dünyanın 25 dövlətindən olan universitet, təhsil institutları, beyin mərkəzlərinin təşkilatçılığı ilə “Zoom” formatında XI Beynəlxalq onlayn elmi-praktik konfrans keçirilib.
Beynəlxalq konfransın mövzusu “XI Beynəlxalq Elmi-Praktik Konfransın mövzusu “Təhsil sistemində aktual problemlər”ə həsr edilib.
Azərbaycandan Sosial Tədqiqatlar Mərkəzi ilə yanaşı təşkilatçı qurumlar sırasında: Ukrayna Təhsil və Elm Nazirliyi, Milli Avisiya Universiteti, Təhsilin İnkişafı Təhsil Və Elmi İnstitutu, Kiyev Milli İqtisadiyyat Universiteti, ABŞ-ın Nyu-York Universiteti Professional Araşdırmalar Məktəbi, Böyük Britaniyanın Koventri Universiteti, Almaniya Federativ Respublikasının Berlindəki Avropa Dövlət Məktəbi, Berlin, İtaliyanın Parma Universiteti, Estoniyanın Tallinn Texnologiya Universiteti, Birləşmiş Ərəb Əmirliklərindən Britaniyanın Dubay Universiteti, Latviyanın SIA Tax Consulting İnstitutu beyin mərkəzi, Slovakiyadan Baratislava Universiteti, Türkiyənin Bingöl Universiteti, Çexiyanın Bohemiya Universiteti, Azərbaycan Dövlət İqtisad Universiteti, Pakistan-Lahordan Milli Sənət Universiteti, Milli İncəsənət İnstitutu, Özbəkistan Milli Universiteti, Qazaxıstandan M.Auezov adına Universiteti, Ukrayna Milli Pedaqoji Elmlər Akademiyası və s. yer alıb.
Beynəlxalq tədbirdə konfransın təşkilat komitəsinin üzvü, STM idarə heyətinin üzvü, professor Tahirə Allahyarova açılış nitqi ilə çıxış edib. Məruzəçi çıxışında bildirib ki, əhatəmizdəki dünyada sosial, mədəni və geosiyasi proseslərdə köklü dəyişikliklərə məruz qalır. Elm və təhsil sistemi də dərin transformasiya proseslərindən keçir. Bir tərəfdən elm, təhsil və bilik inkişafın drayveri-hərəkətverici qüvvəsi elan edilir, digər tərəfdən təhsil naziliklərinin ləğvi, elm və təhsilin idarə olunmasında tamamilə yeni sistemə keçid məsələləri gündəmə gəlib. Bütün bu proseslərin mahiyyətini anlamaq üçün yeni tədqiqatlara və ideyalara böyük ehtiyac, sosial sifariş var.
Konfransa müasir dünyada təhsil sistemində istedadlı uşaq və gənclərin qlobal problemləri, rəqəmsal sivilizasiya, süni intellekt texnologiyaları kimi çağırışlar fonunda yeni təhsil modellərinin axtarışları ilə bağlı yüzə yaxın məruzə təqdim edilib.
